Бүсгүйн Тэмдэглэл

За юуны урьд нэрээ солиод зүгээр Бүсгүй гэдэг болсон шүү гэдгийг дуулгачихий. Хуучин нэрийг маань хүмүүс хэцүү гээд, хэлэхээр л хэл нь хугарч унаад, бичихээр л гар нь сарвайж чилээд байна гэж гомдол ихээр гаргасан тул хэд хоног бодож явсаараан байгаад өнөөдөр л нэг юм профайлаа өөрчлөв. Орж ирэхээр л баахан тасарсан хэл, сарвайж татсан гарнууд байсан, одоо үгүй байх гээд найдчий.

Өчигдөр шөнө зүүдэлж байна. Лаг усны халадаа өмсчихсөн, гартаа нэг оранжан өнгөтэй бал барьчихсан гэрийнхээ хаалгыг гаднаас нь албаар пад гэж савж хаагаад л, балны хошуугаа хаалганыхаа завсраар оруулж гөжөөд л хаалгаа сак гэж онгойлгоод л, хажуугаар хүн явангуут дуудаж хажуудаа авчирч байгаад "Хаалга ингэж онгойлгодгийн" гээд гөжиж онгойлгож үзүүлээд л. Их тэнэгтэж байгаам шүү. Мөрөөдлийн мэргэжлээ зүүдлээд байгаам уу, эсвэл нөгөө алдсан 65 еврогоо мартахгүй байгаам уу бүү мэд. Тэрний урьд өдөр гэрт 2 байдаг лааны сууриа 3 байна гэж зүүдэлсэн. Эдийн шуналтай биз бас айн. Тэрний урьд өдөр... за за санахаа байчлаа. Ойрд ер нь нэг ийм тэнэг тэнэг богино юмнууд зүүдэлж байгаа. Хүн өдөрт бодсон, болсон, тохиолдсон юмаа зүүдлээд байх шиг байдаг. Тэгсэн би ойрд юм бодохоо байгаад, гадуур тэнэж юмтай тохиолдохоон (энэ үгнүүдийн ард н үсэг залгаж бичиж, уншиж, ярихаар нэг Хоролмаагийн надад явуулсан мэйл санаанд ороод байдийн. Дэмий юмнаас дэмий юм санаж байгаам шүү. Энэ бол хорвоо дэлхийгээсээн эм хүнд л заяасан чадвараа гэжж ) байсан учир зүүдний бурхан "Энэ нэг тэнэг юманд өнөө шөнө одоо юу зүүдлүүлий даа" гэж тархиа гашилгаж байх шиг байгаамаа.
 
Зиак шөнөөс өглөө рүү шилжээд бас нэг асуудал байнаа. Хичээлгүй, ажилгүй маргааштай бол урьд шөнө нь энэ мэтчилэнгээр шар шувуу болж байгаад үүр хаяарах дөхөнгүүт унтаад, унтаж сэрээд л орондоо нөүтбүүкээ асааж аваад, блогдох ажилд орж байна. Хамгийн түрүүн Чандманийн блог руу ороод, тэдний блог дээрх листээс шинэ бичлэг орсон блог руу гулсаж ороод л, хаалгыг нь чахруулж ороол... Чандмань блогийн уншигчийн тоо гэнэт өссөн нь ч үүнтэй холбоотой гээл үү кккк. Би өдөрт арван хэдэд тогтохгүй орж байгаам чинь. Инкээд их үд ихээ хэвийсэн хойно өглөөний цайгаан ууж, гимнаасчкаа хийж гэснээс, өнөөдөр бодлоо. Орой унтахдаа нөүтбүүкээ ямар нэг газар нуучиж байдиймуу. Шкафандаа хувцасан дундаа хийгээд гаднаас нь цоожилж болж байна. Эсвэл орны доод талын комодонд хийж болж байна. Хөргөгчинд хийхээр хөлдөөд дэмий байхаа тээ. Ямар ч байсан өглөө босоод олж гаргах явцад ахиж орондоо орох хүслийг л бүрэн унтраасан байх тийм арга хэмжээ авмаар байна, яах уу? Та нар нэг зөвлө дөө.

Маргааш энд Майн нэгэн шд, амарна. Жаахан байхад "Май нэгэн мандтугай, манай сургууль сөнөтүгэй" гээд л жагсдаг байлаа шд. Сайхан ч цаг үе байсийм даа. Би ч маргаашийг хөдөлмөрчин хүн шиг өнгөрөөнөө. Гэрт баахан юм шинээр ирэх ёстой, микровелле, принтер, бас нэг том комод. Нэг талын хана тэр чигээрээ тавиур байсанг цөөлөөд дээрх новшийг нь шүүгээнд хийж байхаар шийдсэн. Ингэснээр тоос арчих ажиллагаа хоёр дахин хөнгөвчлөгдөх юм байгаан. ШБОС биз айн. Тэмдэглээд аваарай. Бас дугуйгаа хийлнэ. Тэхгүй бол их бензин идээд гэхгүй юу хэхэ. Мөрөөдөхөд заримдаа мөнгө төлнө, гэхдээ энэ удаад бол төлөхгүй ээ гэжжж.