Франц, Ливаны хамтарсан, 2007 онд бүтээгдсэн "Карамел" гэдэг киног үзэв. Ёстоооойий хөөөөөөрхөн кино байна гэхээс өөр шүүмжлэл алга.
Бейрутэд амьдардаг таван бүсгүй өөр өөрийн замаар аз жаргалаа хайна. Нэг нь гоо сайхны салонтой бөгөөд гурав нь тэнд ажиллана. Харин нилээн ахимаг Роүз нь хувцас засварын газар ажиллуулна. Тэр тав ихэвчлэн гоо сайхны салондоо уулзацгаах бөгөөд хамаг нууцаа бие биетэйгээ хуваалцана. Салоны эзэн бүсгүй Лаяал нь гэр бүлтэй эрд хайртай болох ба хэсэг уулзалдсaны дараа тэр залуу эхнэрээ хэзээ ч өөрийнх нь төлөө орхихгүй болохыг ойлгоно. Муслим шашинтай Нисрине нь удахгүй гэрлэх гэж байгаа боловч аль эрт охин насаа гээчихсэн, тэрэндээ шаналах ба эцэст нь мэс засал хийлгэж онгон болохоор шийднэ. Рима нь лесби бөгөөд өөрийн үйлчлүүлэгч нэгэн нууцлаг бүсгүйд дурлана.
Харин Жамал нь хөгшрөхөөс үхтлээ айх ба жүжигчин болох хүслээ ерөөсөө ч гээхгүй нэгэн. Роүз нь бүх насаараа сэтгэцийн өвчтэй эгчийнхээ төлөө амьдарсан ба амьдралдаа анх удаа Чарльз хэмээх өөрийнх нь хувцас засварын газарт үйлчлүүлсэн нэгэнд дурлана. Дорнын хатуу ёс уламжлал, өрнийн модерн амьдралын хэв маягын холилдоон дунд хөгжилтэй, нууцлаг таван бүсгүй өөр өөрийн аз жаргалыг олохоор зүтгэнэ.
Та нар ч гэсэн худалдаж аваад, хуулаад, хулгайлаад ч хамаагүй бүгдээрээ үзээрэй гэж санал болгох байна даа, минийх нь зүгээс
Блогийн нүүр » Карамел
2009-05-03 08:23:17
Сэтгэгдэлүүд:
— Шуналын алив хэлбэрээс өөрсдийгөө хамгаал, болгоомжил. Учир нь элбэг хангалуун нэгний амь өөрийнх нь өмч хөрөнгөнөөс хамаардаггүй юм гэв. 16 Тэр тэдэнд сургаалт зүйрлэлээр ингэж ярилаа.
— Нэгэн баян хүний газар нь маш үржил шимтэй байжээ. 17 Тэр хүн "Ургацаа хадгалах байр савгүй тул одоо би яадаг билээ?" гэж бодол болж, 18 "Миний хийх зүйл нь энэ юм. Амбааруудаа буулгаад илүү том амбаарууд барья. Тэндээ би хамаг үр тариа, хамаг эд хөрөнгөө хадгална. 19 Тэгээд би сэтгэлдээ «Санаа сэтгэл минь, чамд хожмын олон жилийн турш хэрэглэх хөрөнгө байна. Өөрийгөө амраа, ид, уу, зугаац» гэж хэлнэ дээ" гэсэнд, 20 харинБурхан түүнд "Мунхаг чи, яг энэ шөнө амь чинь чамаас нэхэгдэх болно. Тэгвэл чиний бэлтгэснийг хэн эзэмших вэ?" гэж айдджээ. 21 Тэр хүн өөрийнхөө төлөө эд баялгийг хураагч бөгөөд Бурханы өмнө баян биш болой гэв.
Сэтгэгдэл үлдээх: