Бүсгүйн Тэмдэглэл

Гүй ээ мөн чухал асуулт шүү. Бүсгүйчүүд минь ийм асуултыг хаана сонсмоор байна. Харцуул минь ийм чухал асуултаа арай ажил дээрээ сууж байхад нь утасдаж хэлэх юм биш биз дээ. Жаахан романтик байгаарай. Ингэхэд энэ асуултыг тавихад хамгийн тохиромжтой газрууд гэсэн мэдээг олж уншив. Тэрийгээ энд оруулчихъя. Яахоогоос шүү. Гэхдээ залхуураад бүрэн орчуулаагүй болно.

10. Hampstead Heath in London
Цэцэрлэгт нь бөгжөө хуруунд нь зүүчиж дөнгөх олон нам гүмхэн булангууд бий гэнэ.

9. Karlsbrücke in Prag
Прагын Карлын гүүрний хажууханд байдаг жижиг цэцэрлэгт үүрд хайрлахаа амлаад, эртний хотыг харж зогсоход их романтик гэнэ шүү.

8. Markusplatz in Venedig
Хэрэв бүсгүй чинь хүмүүсийн хөл хөдөлгөөнд дуртай нэгэн бол Венецийн Маркусын талбай дээр очоод асуултаа асуу. Зөвшөөрсөн хариу шууд авна.

7. Jardin du Luxembourg in Paris
Өөрийгөө гүнж гэж мөрөөдөж үзээгүй ямар бүсгүй байх билээ. Тэгвэл жинхэнээр нь нэг удаа гүнж болгоод ханхүү та асуултаа Парисын Люксенбургын цэцэрлэгт асуугаарай.

6. Galataturm in Istanbul
Энэ цамхаг дээр гарч байгаад асуухад бас л муугүй.

5. Neuschwanstein in Deutschland
Германы Неушванштейн цайз дээр ямар ч бүсгүй үлгэрийн ханхүүдээ зөвшөөрсөн хариу хэлнэ гэнэ. Тэр ханхүү Людвиг нэртэй байна уу үгүй юу хамаагүй. (энэ ордон нь баяарны Людвиг хааны ордон)

4. Trevi-Brunnen in Rom

Ирээдүйн эхнэрийнхээ гарыг гуйх бас нэгэн гайхамшигт орчин. Гэхдээ мэдээтэй байхгүй бол бөгж энэ тэрээ усанд алдчих вий дээ.

3. Edinburgh Castle
Жуулчин ихтэй байдаг тул хэн ч чамайг харахгүй тэр агшинг ашиглаад бүсгүйнхээ өмнө өвдөглөхын тулд самбаатай байгаарай залуу минь.

2. Eiffelturm  in Paris

Парисын дээвэр дээр гараад асуултаа асуухад зөвшөөрсөн хариулт л авна. Харин бүсгүйн чинь "Тэгье" гэдэг хариулт салхиар туугдаад чамд сонсогдохгүй байх вий дээ. Амны хөдөлгөөнийг нь л сайн хараарай.

1. За ингээд нэгдүгээр байранд:   Alhambra in Granada
Хамгийн чухал асуултаа асуухад хамгийн тохирсон газар бол дундад зууны үеийн энэ цайз гэнээ.