Бүсгүйн Тэмдэглэл

Ойрд яахоогоо жижиг сажиг мэдээ их оруулж байнаа хэхэ. Эмэгтэй хүн секси харагдаж байна уу үгүй юу гэдгийг эрчүүд эмэгтэйчүүдийн нүд асар ялгаатай хардаг болж таарлаа. Ингэдэг гэнэ дээ.

1. Хүүхнүүдийн 69 хувьд нь нямбайлан засаж, лакдсан хумс чухал байдаг бол эрчүүдийн 42 хувьд нь хумс ямар байх нь ерөөсөө хамаагүй гэнэ. Тэр ч бүү хэл 20 хувьд нь чимэглэчихсэн хумс "зэвүү хүрмээр" харагддаг гэнэ дээ. (Миний бодол: Би хумсаа бараг буддаггүй ч гоё маникюртай хумсанд дуртай. Харин урт улаан хумсанд дургүй.)

2. Эмэгтэйчүүдийн тал хувь нь үдэшлэг цэнгүүн, баярт явахдаа тод будах дуртай байдаг бол эрчүүдийн 72 хувьд нь энэ нь хүйтэн, сайхан биш санагддаг гэнэ. Cтильтэй, натур юм шиг будалтанд илүү дуртай гэнэ цаадуул чинь. (Миний бодол: Энд санал нийлж байна)

3. Эрчүүдийн 71 хувь нь "өдөөн хатгасан" маягийн (задгай, секси гэж ойлгов) чимэг зүүлттэй хүүхнүүдэд (ялангуяа хавар) нүд унагадаг байна, харин эмэгтэйчүүдийн 50 арай хүрэхгүй хувь нь тийм гоёл зүүлттэй явах дуртай байдаг гэнээ. (Миний бодол: Хааааааяа тийм явах зүгээр шдээ. Орой гэртээ ирээд "наалдсан нүднүүдийг түүх" нь л ядаргаатай болохоос. :P Гэхдээ задгай хувцаслахаасаа илүү биеийн нэг хэсгээ тодотгосон оутфиттай явах нь эмэгтэй хүнийг нууцлаг, эрхэмсэг харагдуулдаг.)

4. Эрчүүдийн 22 хувь нь пиерсингийг секси гэж үздэг бол эмэгтэйчүүдийн 6 хувь нь... (Миний бодол: Хм, хорьтой байсан бол дэмийрээд хийлгэж магадгүй, яагаад гэвэл тэр үед чихээ хоёр нүхэлж байлаа. Одоо тэр сорвийг харах бүрд муухай санагдаад байдийн. Одоо бол үснээсээ бусдад мэс хүргэхгүй гэсэн уриатай.)

5. Бүсгүйчүүдийн тал хувь нь тод гоёл чимэглэл зүүх дуртай байдаг бол таван эрэгтэй тутмын нэг нь л үүнийг таашаадаг гэнэ. (Миний бодол: Зүүж болох бүхнийг нэг доор зүүхгүй байх гэсэн уриатай. Эсвэл ээмэг нь, эсвэл хүзүүний зүүлт нь нүдэнд тусахаар байж болно. Бүгдийг нь зэрэг алаглуулаад зүүвэл ёлкын мод шиг харагдана. Бөгж, бугуйвч бол тэртэй тэргүй бараг зүүдэггүй)

6. Нүцгэн мөрийг эрчүүдийн 62 хувь нь харах дуртай байдаг бол бүсгүйчүүдийн 34 хувь нь харуулах дуртай. (Миний бодол: Зун бол муу нь ч юу байхав дээ.)

7. Боровтор арьс эрчүүдийн 65 хувьд нь таалагддаг. Ахиад 10 хувь нь бүүр ч бор арьсанд дуртай. Харин хүүхнүүд бид харлаад борлоод ирвэл яадаг билээ? (Миний бодол: Ази хүүхнүүд бол гэрэлтсэн цайвар арьстайгаа борлуулсанаас илүү гоё эрхэмсэг харагддаг)

8. Бүсгүйчүүдийн 38 хувь нь төрөлхийн цагаан арьсандаа сэтгэл хангалуун байдаг бол эрчүүдийн ердөө 25 хувь нь цав цагаан бүсгүйчүүдэд дуртай гэнэ.

Гүй ээ энэ "Марсаас ирэгсэд" ер нь бүсгүйчүүд биднээс дутахгүй маягтай шүү. Ганц ялгаа нь биднээс залхууч тул будаж шунхдалгүй яваад байдийн гсн.