Сурган хүмүүжүүлэгч аятай юм бичихгүй юу. Би сургууль дээрээ Teaching assistent (тутор)-аар давхар ажилладаг юм л даа. Tутор нь манайхаар семинарын буюу бие даалтын хичээлийг удирддаг юм. Tуторын үүрэг нь профессорынхоо бэлдсэн семинарын ажлын дагуу семинарын хичээл удирдах (асуусан юмыг нь тайлбараад заагаад заагаад явчихна), гэрийн даалгаварыг нь хурааж аваад засах, хичээлийн өмнөх бэлтгэл, долоо хоног бүр профессортойгоо дараагийн семинарын талаар ярилцах зэрэг орно. Тухайн тутор нь өмнө тэр хичээлийг судлаад шалгалтыг нь гайгүй өгчихсөн байх ёстой. Олон оюутан хийх хүсэлт гаргавал дүн сайтайг нь сонгож авна, эсвэл ярилцлага хийгээд сонгож авдаг юм.
Түрүү семестерт би Анализ 1-ийн тутор хийвээ. Нэгдүгээр курсийн 15-20 бацкаанд. Тэдний хэдхэн нь (5-6) герман, үлдсэн нь турк, араб зэрэг оюутнууд холилдсон интернационал бүлэг байлаа. Тэгээд семестерийн турш герман, герман бус оюутнуудын ялгаа юундаа байна гэдгийг олж харах гэж хичээдэг байлаа. Анзаарагдсан зүйл бол герман биш оюутнууд онооны төлөө их хэрүүл хийнэ. Нэг бодлого буруу байна гээд 0 оноо өглөө гэхэд "Би тал хувийг нь зөв хийсэн байна, яагаад тал оноог минь өгөхгүй байгаан" гэх жишээний. Бас бодлогоо жаахан оролдож байгаад чадахгүй бол "Чи самбар дээр бодоод тайлбарлаад өгчихөөч" ухааны юм ярина. Эндээс би тэд нартай их зөрөлддөг байлаа. Би проф. биш учраас нийтийн дунд самбар дээр тайлбарлаж өгөхгүй, хүн хүнд ойлгохгүй байгаа сэдвийг нь тайлбарлаж өгнө гэнэ. Үүнээс болooд хэд хэдэн оюутан хичээлийг маань хаяж яваад өөр тутор сонгож байсан удаа ч бий. Харин германууд бол яван чангардаг. Эхэндээ тийм ч сайн байдаггүй ч нухаад л яваад байдаг, семестерийн төгсгөл хэрд үнэхээр сайн болчихсон байдаг. Нэг бодлого бодоод хариуг нь зөв гаргасан ч "Аан, ингээд болоо юу" гэж орхихгүй, нэмэлт юм маш их асууна. Шийдэн дээр нь анализ хийх гэж оролдоцгооно. Германд эхнээсээ сураагүй оюутнууд зөв шийдийг нь олж чадсанаараа сэтгэл ханадаг бол германд сурсангуудад шийд сонин биш, яагаад ийм шийд гарав гэдгийг ойлгох нь чухал байдаг.
Харин энэ семестерт Статистик 2-н тутороор ажиллаж байна. Энэ хичээл нь манайхаар бол мэргэжлийн суурь хичээлээ үзэж дуусчихсан оюутнууд үздэг мэргэшүүлэх хичээл. Долоон герман оюутанд ордог. Бүгд гэрийн даалгавараа өгнө, самбар дээр бодоод өг гэж хэзээ ч хэрүүл хийхгүй. Хичээлээ таслахгүй. Семестерийн турш яг таг ажиллана.
Магадгүй бид яг хаанаа алдаад төгсгөлдөө эд нарт "ялагдаад" байна гэдэг хариултын жаахан хэсэг нь ч энэ хавиас тодорч болох л юм.
Блогийн нүүр » Тайлбарлах гэж оролдов (Сурах арга барил)
2009-05-15 20:17:13
Сэтгэгдэлүүд:
хичээл номоо хийхгүй ингээд суугаад байгаан
LuZa: bi hicheelee hiiheeree cham deer ochii doo
Tlg: teh, dungiin toloo l yavaad bgaan
Уул нь чадсан чадаагүй л гэж байвал болмоор. Ажил дээр гараад тийм л байдаг. Авсан ажлаа хийж чадсан уу үгүй юу.
tutor, tutoring ch araa l oor functiontai l daa, ug ni.
mon uu?
Germany bolovsroltoi hun technique sain surdag . harin buteelch, cholootei setguuleh tal deer jaahan yalgaatai baidag uu USA bolovsroloos.
minii bodluud buruu ch baij medeh yum aa zus
Genden: hehe, henhegle chi. USA-d sursan oyutnuud mash oortoo itgeltei baidag. Chadahgui ch hiij chadna gej heldeg. harin germand sursan oyutnuud tiim bish baidag gehiim bilee. Sain duntei togsdog tuhaid bol arai oroosgol baihaa ho. end ch gesen baigaagaaraa l togsdog. shalgaltiin huvid nadad bur hetsuu sanagdaad baidag. Manai mergejil gehed bainga bichgeer shalgalt ogchihood tentsvel prof-toi amaar yariltslagad ord dungee hamgaaldag. Odoo bol bachelor-toi bolood zugeer l shalgaltaa bichgeer ogdog bolson gesen. gehdee test bish, dandaa ulamjlalt argaar
би ингэж л хэлэх гээд яг гадаад мастерийн ялангуяа шинжлэх ухаан талын оюутанд нэг их анхаарал тавиад байдаггүй юм шиг санагдаад байдаг гэж. жаахан муухан хийчихсэн байхад л пасс хийж л орхидог гэхийм уу. Проф-н зүгээс чи зэргээ аваад нутаг руугаа явах чинь л чухал биз дээ гэх тийм хандлага гаргаад байдаг болов уу гэж....
хэ хэ Герман боловсрол мундаг гэдэгтэй санал хаана ч нийлнэ ээ
Америк оюутнууд дүнгийн хойноос нэг их явдаггүй, "-яг чухам чи юу юуг ямар түвшинд мэдсэн байх ёстой вэ?" гэдгээ маш сайн мэдэрдэг. Тогтолцоо нь ч шударга.
Сэтгэгдэл үлдээх: