Бүсгүйн Тэмдэглэл

Күмсүүдээ ихэнх маань сонгууль гээд бухимдаад байгаа учир би жаахан инээлгэх гэж хичээе. Инээхнүү та нар нь.

Гуравдугаар курсийн оюутан байваа. 2000 онд. Тэр хавар парламентын сонгууль болдгийн. Баянгол дүүргийн жаран хэд дүгээр тойрог билээ, тэрэнд иргэн Ламжав гуай манай одооны ерөнхийлөгч хоёр Ху нам, ардчилсан нам хоёроос дэвшээд үзэж тардгийн. Иргэн Ламжав гуай чинь МУИС-н багш байсан хүн, манай багш шавь нь юм байна л даа. Тэгээд багш маань нэг өдөр бидэнд тэгдгийн "Багш нь ардчилалыг дэмждэг хүн, багшийнхаа сонгуулийн сурталчилгаанд тусалж байгаа, та нараас ардчилалыг дэмждэг хүн байвал багшийнхаа багшид тусалж сонгуулийн материал тараалцаж өгөөч" гээд. Бид нар ч "өө тэгий" л гэнэ биз дээ. Бөөнөөрөө зугаацах сайхан боломж айн. Тэр үед сонгуулийн штаб нь хорооллын эцсийн 52 билүү, 56-р сургууль дээр байрлаж байсийн. Өдөртөө хичээл тарж тэнд очоод нэг нэг жүүс уучихаад, тараах материалаа аваад хоёр хоёроороо явж микрийн айлуудад тараачихаад, буцаж очиж нэг нэг жүүс уучихаад гэртээ харьдаг байлаа. Тэр үед чинь хүмүүс их ч идэвхтэй байж, хонхыг нь дарангуут хаалгаa шууд онгойлгож өгөөд л, зарим нь элдэв юм асуугаад зогсчихно. Хаалгаа тайлж өгөхгүй бол хаалган доор нь цаасаа шyргуулж орхичихоод дараагийн айл руугаа марш. Нэг айлын хонхыг дарсан чинь урдаас аймаар том овчарка үсэрч гарч ирээд үнхэлцэг хагалах шахаж билээ. Бас нэг айлын хонх дарсан чинь нээх цээж нүцгэн ах гарч ирээд, "Миний 2 дүү орж ирээд юм уу" гэж мэгээд үнхэлцэг хагалаад хаяж билээ. Аймаар сэжиг бүхий харц, дуутай хүн байжилээ. Манай ангийн хөвгүүд "балиус барьсан хүн гарч ирсэн" гэж мэгж маазраад л. Нэг өдөр би гэж нээх инээд алдчихсан амьтан найз охинтойгоо хов ярьчихсан лифтнээс үсэрч гарч ирээд, сайн харалгүй айлын хонх дарлаа гэсэн чинь шарррxx гээд л хуруу чимчигнээд явчихсан. Ухааалдаад харсан чинь нөгөө айл хонхгүй, тогтой утас нь сэрийчихсэн байсныг би харалгүй хоосон нүх рүү гараа хийгээд тогонд цохиулчихсан байжилээ. Тэрнээс хойш сурталчилгаанд ч яваагүй. Тэгсгээд улс төр хийхээ больсон доо.