Бүсгүйн Тэмдэглэл

Өчигдөр унтах ёстойгоо өнөө өглөө 6.00-14.00 хүртэл унтчихсан чинь нойр хүрдэггүй ээ. Блогшихоос :P . Юу хийсэн нь бол ойлгомжтой хммм.
За тэр ч яахав. Өчигдөр ажил тараад хоёр найз хүүхэнтэйгээ нэг солонгос хоолны газар оройн хоолонд орсон юм. Би болон нэг найз хүүхэн маань ажлаа тараад явж байсан тул костюмтай явж байсийн. Тэгээд нөгөө солонгос хоолны газар ороод сууж байтал эзэн буюу үйлчлэгч эгч нь захиалга авахаа ирлээ. (Гэр бүлийн хоёр ажиллуулдаг ресторан юм билээ) "Та нар оюутнууд уу?" гээд асуухаар нь "Тийм" гэтэл өөдөөс "Люфтанзагийнх уу?, Эйр Чайнагийнх уу?" гэнгүүт гурвуулаа муухай гайхаад... Тэгсэн чинь инээдтэйн нь нөгөө эгч "Та нар Stewardess уу?" гэж асуусан чинь бид гурав гурвуулаа "Student уу?" гэж сонссон байсан, энд тэнд явж байхад ихэвчлэн л "Oюутанууд уy?" гэж асуудаг болохоор с-р эхэлсэн юм асуунгуут шууд "Tийм" гэдэг болсон байлээ шд хэхэ. Тэр эгч нээрээ үнэн хөөрхөн ааштай, юм хум ярьж байгаа нь, бид гуравтай солонгос кино ярих гээд үзэж тарсан. Эд нар чинь бас бүх сериалаа үзчихсэн байдаг юм шиг байналээ. Та нар "Өвлийн хайрын дуу үзсэн үү?" гэж мэгээд, ер нь нилээн хэдэн мэддэг кино нэрлэж байсан. Бид гурав өлсчихсөн амьтад хоолоо идэх гээд, нөгөө эгч нээх ярих сонирхолтой. Ер нь яриа хөөрөөг нь ажиглаад байхад тэр талаараа бас нилээн үйлчлүүлэгч нараа татдаг байх гэж санагдсан шүү. Ямар ч байсан "Aхиад энэ газар орох юм шүү" гэсэн бодол хүн бүрт төрүүлж чаддаг юм шиг санагдсан, бизнес хийж байгаа хүнд байх ёстой бас л нэг давуу тал шүү тиймээ.