Бүсгүйн Тэмдэглэл

Гадаа +10 град., усан бороотой, оройн 8.00 цаг. Хөөрүүлсэн сүү ууж, хөлөө хучаад ТВ ширтээд хэвтэж баймаар орой. Би гарахаасаа өмнө хумсаа будаж амжих гэж яарна. Танил залуу 10 минутын дараа ирж авна гэж залгалаа. Нөгөөх нь харин  цагаа барьсангүй, киноны билетээ авч амжихгүй нь гэж загнаад нервтүүлээд авна. Хумсаа будаад дуустал утас дуугарлаа. Машин хүрэх хооронд гээд шүхэргүй гүйгээд гартал усан бороо, өмссөн гутал балерина. Гудамжны өнцөг хүрэх хооронд нэвт норчихов. Унасан машин нь Ауди. Замаараа найз бүсгүйгээ дайраад авахаар очлоо. Хувцсаа сольж байна гээд үүдэндээ баахан зогсоов. Бас л хумсны проблем. Арай гэж аваад хотын төв явсаар байтал 8.15-ын киноны цаг өнгөрөв. Хүлээгээд боож үхэх гээд байгаа залууг найз бүсгүй очиж тайтгаруулахаар бууж, би нөгөөхтэй нь машинаа тавьчихаад араас нь очихоор үлдлээ. Паркплац эрж 20 минут яваад, арай гэж тавьчихаад ахиад 5 минут кино руу хүйтэн бороонд гүйлээ. 9.00-н кино үзэхээр болсон тул хажуугийн бааранд орж нэг нэг пиво аваад суув. Бие биеэ цаашлуулан маазарч жаахан суугаад кинондоо орлоо. Үзсэн кино Терминатор 4. Хэн ч ирж үзэхгүй байх даа гэж бодсон чинь андуурал байлаа. Танхим дүүрэн байв. Гараад өөр баар луу явлаа. 200 гр Мерлот ууж, арай "ахмад нэгээрээ" герман монгол охидын ялгааг заалгаж баахан маазрав. Гэнэт өлсөөд МакДоналдс орох гэтэл хаасан байлаа. Буцаад машинаа авах гэж 30 минут алхав. Замдаа хотдогны газартай таарч өнөө гурав маань нэг нэг бургер идэв. Тэр зуураа хэдэн биенийхээ алганы хээг үзэж баахан бүлтрэв. Ахиад машин руугаа 10-аад минут явав. Эхлээд найз бүсгүйг буулгаж, дараа нь намайг буулгаад өнөө хоёр маань гэр гэрийн зүг явлаа. Романтиклаж баймаар "хувьсгалын тохироо" бүрдсэн орой байсан ч огт романтиклахгүйгээр хөгжилтэй оройг өнгөрөөв. Шөнийн 2.00 өнгөрөөгөөд гэртээ орж ирж байхдаа "Чөтгөр ав, романтизм сөнөтүгэй" гэж бодов.