Бүсгүйн Тэмдэглэл

Будапештэд очсон чинь ёстой гадаадад очсон юм шиг санагдсан. Хэлээр нь юу ч ойлголцохгүй, бас англиар юм уу германаар ярьчих хүн тэр бүр таарахгүй. Ёстой зугаатай байсан хэхэ. Өөр газруудаар явахад герман, халти хулти англиар хэл нэвтрэлцээд хэлний проблемгүй, бас мөнгөн тэмдэгт нь Швейцарийг эс тооцвол бүгд евро (өмнө явсан газруудаас) байдаг байсан. Харин Унгар Европын холбоонд элссэн ч гэсэн одоо болтол мөнгөн тэмдэгт нь форентоороо байгаан билээ. Одоогоор эдийн засгийн хүндрэлтэй байгаа учир шууд еврод шилжвэл ард иргэдэд нь хүндээр тусах нь ойлгомжтой. Бид хоёр буунгуутаа таксины жолоочид хулхидуулсан. Найзынх руугаа хотын төвөөс таксидаад хүртэл 25 евро, эргээд өөр таксигаар иртэл 17 евро болсон. Уул нь тэндийх руу явахад 10 евро ч хүрэхгүй гардаг юм билээ. Жолооч нар нь англиар ярьж чадахгүй, тэрүүгээрээ далимдуулдаг ч юм уу сайн хулхидсан шүү. Дараа нь ресторанд. Нэг хоол авч идээд хундага улаан вино авсан чинь хоёр хүний 62 евро болсон. Юм нь германаас ялгарахгүй үнэтэй, тэгсэн мөртлөө хүмүүсийн цалин нь 3-4 дахин бага, яаж амьдардаг юм бол гэж гайхаад байсан чинь тэр гудамжны ресторанд хооллоод, тэндээс хувцаслаад явдаг хүн цөөхөн байдаг юм шиг байналээ. Жуулчид л очдог гудамж юм шиг байсан.  Харин удалгүй найз маань ажлаасаа тарж ирээд өдрийн хугаст 140 орчим еврогоор тансагласан бид хоёрыг яасан баян юм гэж нэг хэлж аваад жинхэнэ Будапешттэй танилцуулсан даа. Өртөг нь хамаагүй хямд юм билээ. Ер нь тиймэрхүү газруудаар хэлийг нь мэдэхгүй бол хүн дагуулж явсан нь л хамаагүй дээр санагдсан. Гэхдээ л Будапештэд үнэхээр гоё байсан шүү. Энэ жилийн хамгийн гоё аялал байлаа. Хүлээж авсан найз бүсгүй маань үнэхээр сэтгэл гаргаж бидэнд үйлчилсэн болохоор бүгд өндөр сэтгэгдэлтэй байсан. Бас түүнийг сургуулиа төгсөхөөр германд, манай хотод заавал ирээрэй гэж урьсан. (дараа 7 хоногт төгсөх гэж байгаа) Ирнэ гэж найдаж байна.

Худалдааны гол гудамжны орчим. Тэнгэрийг хараа

Элизабетын гүүр. Дунайн гүүрүүдээс хамгийн модерн хэлбэртэй гүүр нь юм билээ. Цав цагаан, ямар нэг уран барилгын элементгүй. Өдөр их сүрлэг харагддаг, шөнө харин сүр муутай.

Өдөр бол ийм

Чейнбрижээр Пешт рүү гарангуутаа энэ замаар дээшээ жижигхэн Seilbahn-аар гараад...

Буда руу харахад ийм...

Парламентын ордон, шөнийн зураг дээр байсан

Шөнийн зураг дээр байсан сахиулсан тэнгэрийн барималтай уулан дээрээс авсан зурагнууд. Эрх чөлөөний гүүр

Уулан дээрээс буудаг жижиг хүрхрээ

Бороон дунд авсийн

Хааны ордон

Гудамжны жижиг баримал

Дунайн усан зогсоол

Тээр цаана харагдаж байгаа Будапештын скайлайне хэхэхэ. Хамгийн өндөр байшин нь 23 давхар Анагаахийн их сургуулийнх нь байр.

Цэнхэр Дунай манан дунд

Манан дундаа үнэхээр үзэсгэлэнтэй