Бүсгүйн Тэмдэглэл

Дээр ажил дээр нэг блогноос "Олон эмэгтэй хүнтэй ажиллах хэцүү юу" гэдэг гарчигтай, эрчүүдэд зориулсан зөвөлгөө маягын юм уншаад сууж байсан чинь "Эмэгтэй ч гэсэн хүн л юм болохоороо зарим нэг нь бас таньд дурлана, хандрана" гэсэн мөр уншаад савж унаж билээ. Юу гэсэн үг вэ одоо, "эмэгтэй ч гэсэн хүн л юм болохоороо....." хахаха. Муухай доош нь хийж байгаан шүү.

Ойрд уул нь нэг бичлэг оруулах гээд санаад л яваад байгаа. Эхний гурван өгүүлбэрийг биччихсээн болоогүй. Даанч муу хүнд үхэх зав олдохгүй гэдэг шиг л гавъяа байгуулаагүй ч гаргах завгүй яваад байна л даа.

Өчигдөр нээрээ шинэ утасныхаа хэргийг газар дээр нь гаргав. Нэг газар 16.00 терминтэй байсан юм. Уул нь энэ газар луу таван долоо хоногийн турш лхагва гариг бүрт явж байгаа мөртлөө дандаа л буруу гудамжаар ороод тойруу замаар очоод байгаам. Гарч явах болгондоо Уни-гийн Турм зүүн гар талд байна даа гэж бодоод л байгаа мөртлөө ирэхдээ дандаа л буруу гудамжаар орно. Хайхрамжгүйн гайгаар явах замд таардаг жижиг гудамжны нэрийг нь харчихнаа нэг байхгүй. Гарч явах болгондоо дараагийн удаа найдвартай олно гэсэн итггэл өвөрлөөстэй. Өчигдөр бодсоор байгаад өөр гудамжаар ороод явсан чинь бүүр төөрөөд, 16.00-д таван минут дутуу байхад хаана байгаагаа мэдэхээ байчихсан байдаг байна шд. Азаар гэнэт утсан дээр Нави байсныг санаад, өөрийнхөө байгаа газрыг хайж олуулаад, очих газраа өгөөд ОК гэсэн чинь замыг маань дурайтал заагаад өгдөг гэнээ. Заримдаа эмэгтэй хүний сул талаа хүлээн зөвшөөрөхөөс өөр арга алгаа.

Аль дээр ажлын газрын цонхоор хараад зогсож байтал замын эсрэг талд нэг Мини томоо талбай дээр парклах гээд үзэж тарж байнаа. Тэр талбай дээр нь ганцхан машин л парклаастай. Мань Мини-г бол яаж л бол яаж парклахаар, бараг бүжиглүүлэхээр том талбай байгаа байхгүй юу. Би хамт ажилладаг хүүхэнтэйгээ хэсэг харж, инээдээ барж зогсож байгаад, "Энэ яг эмэгтэй жолооч байгаа даа" гээд хэлж дуусав уу үгүй юу, нөгөө парклаастай байсан машин руу ухарсаар байгаад шүргэн алдаад, гэнэт урагшаа ухасхийснээ дундаа бараг ахиад нэг машин зогсоочихмоор хол зогссон Мини-гээс нээх сандарсан хүүхэн бууж ирж билээ.

Уржигдар утсаар ярьж байгаад муухай гэнэ алдсанаасаа болоод нэг айл нүүлгэлцэж өгсөн. Нэг таньдаг эгч залгаад аймаар гэнэ сэнэгүй, "Юу байна миний дүү, юу хийж байна" энэ тэр гэхээр нь аймаар найрсагаар "Өө юмгүй дээ, ойрд амраад гэртээ л байна даа" гэсэн чинь "За ашгүй, эгчдээ туслана даа тэгвэл, манайх өнөөдөр нүүж байгаа, хүрээд ир" гэдэг байна шд. Ёстой яалт ч гүй очоод таван том хүний өдрийн хоол ганцаараа хийсэн. Бас баахан юм боож баглалцсан.

Өчигдөр таньдаг бүсгүй дээр очиж вино ууж худлаа ярьсан. За ойрдоо ер нь иймэрхүү л амьдарч байна даа.