Бүсгүйн Тэмдэглэл: Бас бус юм бодогдож л байшдээ, эмэгтэй ч гэсэн хүн юм болохоороо :P

Орой шүдээ угааж байсан чинь сойз цэнэг нь дуусаад зогссоноос болж янз бүрийн юм бодож энэ тэр. Би ер нь байгаль орчинд их хортой хүн болтой. Цахилгаанд залгаж цэнэглэж хэрэглэдэг зүйлс надад их байна. Шүдний сойзноос өгсүүлээд, хүнд зайлшгүй хэрэгцээтэй зүйлийг оруулахаа болъё оо гэхэд, за эмэгтэй хүнд зайлшгүй хэрэгтэй үсний сэнс мэнсийг хасвал үсний индүү, шүдний сойз, дугуйны гэрэл энэ тэр гэснээ хамгийн аймшигтай нь гурван гар утас нэг дор хэрэглэж байна. Нөүтбүүк өдөржин асаалттай. Харин авууштай нь ТВ бараг үзэхгүй, хүн л ирэхгүй бол долоо хоногтоо 2-3 асааж хардаг. Тэгээд нээх "санаа зовонгуй" нөүтбүүкнийхээ урьд сууж аваад батерей буюу бидний нэрлэж заншсанаар зай, акку (аккумулятор) буюу цахилгаанд залгаж цэнэглэж олон дахин хэрэглэх боломжтой зай хоёрын аль нь байгаль орчинд хортой талаар хайсан чинь батерей нь байгаль орчинд илүү хортой юм байна. Нэг батерейг үйлдвэрлэхэд зарцуулдаг энерги нь ерөөсөө уг батерей дуусан дуустлаа хэрэглэгдэхэд гаргаж буй энергиэс 500 дахин их байдаг байна. Тэгэхээр батерей бол хамгийн үнэтэй энергийн эх үүсвэр гэсэн үг. Нэг акку нь хэрэглээнийхээ хувьд 10000 ширхэг хүртэл батерейтай тэнцдэг байна. Акку хэрэглэснээр энерги хэмнээд зогсохгүй, байгаль орчинд ээлтэй байх нь.

Сэтгэгдэлүүд:

1. Эмбий | 2009-09-18 08:08:19

бүх юмыг ногоон гэж яриад байгаа даа. Хүн бүр бага ч болтугай энерги хэмнэвэл тэр нь байгалиа хамгаалж байгаа үйлсэд оруулж буй хувь нэмэр

2. ena | 2009-09-18 08:45:25

Нэг тог цахилгаан юу ч хэрэглэдгүй, орчин үеийн техник технологи ч хэрэглэдгүй хэсэг бүлэг үндэстэн америк билүү хаана билээ байдаг гэсэн шд. Тэгээд тэднүүс өөрсдөө байшингаа барьдаг бүх юмаа хийдэг гэсэн. Тэгсэн мөртлөө ажлын бүтээмж нь орчин үеийн барилгачдаас өндөр. 2 давхар байшинг өглөө эхлээл орой дуусдаг гэжийга. Тэр хүмүүс тэгж амьдарч болжууаахад бид ч гэсэн байгаль орчноо бодоод зарим нэг зүйлсийг хэрэглэхгүй байвал зүгээр байхаа. Цахилгаан сойз ч юмуу хэхэ