Бүсгүйн Тэмдэглэл

Франкфурт ам Майнд хоёр долоо хоног үргэлжилсэн IAA (Internationaler Automobil Ausstellung) буюу Олон улсын автомашины үзэсгэлэнг өнгөрсөн тав дахь өдөр үзэв. Би машин сайн мэдэхгүй болохоор "Сайхан амьтад байна" гэхээс өөр хэлэх юм алга. Хамт явсан хүмүүс маань ганц нэгийг нь тайлбарлаж өгсөн. Надад онцгой таалагдсан нь үзэсгэлэнгийн танхимууд (угаасаа ойлгомжтой ), туршилтын жолоодлого зэрэг байлаа. Өөрт таалагдсан хэдэн машины зургаа оруулъя.

 Энэ ч гаднаасаа жирийн л кабрио. 80 км хүртэлх замыг цахилгаанаар туулах чадвартай, нэг км-д 83 гр СО2 шатаадаг эд гэсэн. Байгаль орчинд хор багатай гэсэн үг.

Hamann

Mansory, нилээн нүсэр юм байналээ

Wiesmann, бас л сонсож дуулаагүй эд байсан

Дотор нь маш энгийн, битүү арьсаар бүрсэн, нилээн luxus харагдаж байсан.

Энэ надад хамгийн их таалагдсан. Бас Wiesmann, яг цутгачихсан юм шиг...

Ferrari

Феррари дээр дэндүү их хүн шавчихсан, зураг авах боломж муутай байсан.

Энэ бас хөөрхөн Хюньдай байсан.

Халуухан хостесстой Хюньдай

Фиат өөрийн булангаа яг хүүхдийн өрөө юм уу тоглоомын талбай шиг тохижуулсан нь таалагдсан. Хямд, зардал багатай, гэр бүлийн унаа гэдэг утга илэрхийлж байгаам шиг санагдсан.

Альфа Ромеогийн булан улаан гудамж шиг санагдсан гэдгийг нуугаад яахав.

Chrysler's Corner

Үзэсгэлэнгийн танхим. Бенз, БМВ, Минитэй танхим руу очоогүй. Бачим явдал тохиолдсон тул буцах хэрэгтэй болоод... 

Лэнд Роверын мотор нэг иймэрхүү байдаг юм байна.

Энэ туршилтын жолоодлого хийж байсан талбай. Фольксваген, Опел, Шевролет, нэг нь юу байлаа мартчихаж.

Цаана нь ФВ Туарег 80 градусын налуу өндөр лүү өгсөж байна.

 Би хамт явсан бүсгүйтэйгээ Фольксвагенд сууж явсан. Бидний суусан жип 60 градусын налуу өндөр лүү өгссөн. Бас шатаар бууж, дүүжин даажин дээгүүр явсан. 30 болон 40 градусын налуу хажуугаар явсан. Харин цаад талын өндөр бол 80 градус гэсэн. Ийшээ зөвхөн Фольксваген Туарег гарч байна лээ. Хамт явсан залуучууд маань энд сууж явсан. Дээшээ өгсөж явахад тэнгэр л харагдаж байна гэж байсан. Энэ доор хажуугаас нь хийсэн болон машинд явж байхдаа хийсэн бичлэгээ орууллаа.

Харин Пежу дээр олигтой уаааа гэхээр машин байгаагүй, өөрийнхөө патиарыг нэг ч машины дэргэд татуулаагүй гэх зэрэг харамсалтай зүйлүүд байлаа. Автомашины үзэсгэлэн нь хоёр жилд нэг удаа болдог тул энэ бараг сүүлийн удаагийнх биз дээ. Уул нь саак машины хажууд ташаагаа тулж зогсоод зургаа авахуулчихсан бол хөгширсөн хойноо эмээ нь ийм байлаа гээд баярхаж суухгүй юу. Тэр үед нь Феррари нь аягүй бол УАЗ 469 шиг харагдах юм бол уу хэхэ.