Ялгаатай зорилго, сонирхол, үзэл бодлоос болж үүссэн зөрчилдөөнийг эвтэйгээр шийдэх, бүгд хүлээн зөвшөөрсөн, бүгдийн эрх ашигт нийцсэн шийдвэр гаргах шаардлага өдөр тутам ажил дээр, хувийн амьдралд биднийг дагалдаж байдаг. Харилцан ярилцагчдаа өөрийн бодол санаагаа зөвөөр ойлгуулахад дараах зөвөлгөөнүүд тус болох болов уу.
1. Ярилцлагандаа байнга бэлдэж байх. Харилцан ярилцагчын зүгээс ямар асуулт, няцаалт, санал хүсэлт ирж болох, тэр тохиолдолд юу гэж хариулах зэргээ тоймлох.
2. Боломжтой бол уулзалт, ярилцлага болох газрыг өөрөө төлөвлөж тогтоож байх. Өөртөө тааламжтай орчин сонгох.
3. Ярилцагчынхаа нүдийг харж байх, харж ярих. Эсрэг тохиолдолд "Харц нь тогтохгүй гүйлгэнээд..." гэх мэтчилэнгээр харилцан ярилцагч тань таньд үл итгэх байдлыг үүсгэдэг. Та ч мөн түүнийг нүдээр нь шинжих гээд үз.
4. Ярилцагчынхаа бодол санаа, саналыг хүндэл, үнэн сэтгэлээсээ ханд. Ярьсан зүйлийг нь битгий инээд наргиан болго.
5. Шууд үгүй гэж хэлэхээсээ аль болох татгалз. Түүний оронд: "Ерөнхийдөө би тантай санал нэгтэй байна, гэхдээ нөгөө талаар бодоод үзвэл..." гэх зэрэг үгүүдийг хэрэглэж эелдэг татгалз. Мөн "Би таныг ингэж ойлголоо..." гэх мэтчилэн Би-өгүүлбэрийг хэрэглэж бай. Ингэснээрээ та өөртөө итгэлтэй байгаагаа бусдад харуулна.
6. Ярилцаж буй сэдэв болон хүндээ ойлгомжтой хэллэгүүдийг сонгож хэрэглэ. Жишээлбэл та эмч хүн, өвчтөнд өвчнийх нь талаар тайлбарлах гэж байгаа бол эмнэлэгийн хэллэг болон латин томъёололоос татгалзаж аль болох энгийн үгээр тайлбарлахыг хичээ. Харин эмч хүнтэйгээ бол мэдээж мэргэжлийн үг хэллэг ашиглан ярилцахад ойлгох нь тодорхой.
7. Илүү яриа, хэтрүүлэг, өөрийн эргэлзээ тээнэгэлзээг харуулах, хэлэх; илүү хөдөлгөөн, сул үг хэрэглэх зэргээ аль болох хязгаарла.
Эх сурвалж: http://www.fid-gesundheitswissen.de
Сэтгэгдэлүүд:
Сэтгэгдэл үлдээх: