Бүсгүйн Тэмдэглэл

Блогтоо юм бичих гээд заримдаа зав гарахгүй, заримдаа банжиг ажиллахгүй, заримдаа эвээ олохгүй тойроод л яваад байхийн. Энэ зуурт олон л юм болж өнгөрлөө. Хамгийн том нь төрсөн өдөр маань болж өнгөрлөө. Би 30 нас хүрэв. Төрөх талаар зөвөлгөө өгсөн бүх найзууддаа маш их баярласан. Энд намар болоод жаахан хүйтэрч байна. Цаг агаарын хувьд сайхан намар болж байна. Харин өнөөдөр жаахан хүйтэн бороо орлоо. Миний хичээл эхэлсэн. Энэ удаад менежементийн хичээлүүдээ үзэж байгаа болохоор унших юм ихтэй, байж байгаад л илтгэл тавих ажилтай. Унших хичээл гэхээс толгойтой үс арзайгаад яваад байдаг байсан чинь яг дотор нь орохоор сонирхолтой юм гээч. Яг юунаас эхэлж сонирхох болсон нь бас үнэн лайтай шүү. Нэг хичээл дээр проф. Тэйлорисмусын тухай ярьж байгаад, "Ленин тэйлорисмусыг талархан дэмжигч байсан ба "Орос хүн ажил хийж чаддаггүй" гэж хэлж байсан" гэхийг нь сонсоод үхтлээ инээсэн гэж байгаа. Хүний мууд дуртай хүн дээ би.

Ойрд би юугаар баян болж байна гэхээр номоор. Дээр номын үзэсгэлэн үзэхдээ 22 ном авсан. Хамт явсан хүмүүстээ шуналтайгаараа дуудуулан барин өргүүлээд лайтай явлаа шд. Хамгийн сүүлийн өдөр очсон болохоор ажиллаж байгаа хүмүүсээс нь "Танайх номоо хямдралтай өгөх үү" гэж асууж байгаад хямдруулаад хэдэн сайхан ном олж авлаа. Мэргэжлийн 2, түүхийн 2, үлдсэн нь дотоод засал чимэглэл, уран зохиол, уран зургийн тухай гэх мэт. Бас төрсөн өдрөөр найзууд маань номнууд бэлэглэсэн. Ингээд гээв гэнэт 27 шинэ номтой болдог юм байна. Одоогоор хоёрыг нь л уншсан байх шив. Аа бас нэг халуухан бэлэг авсан. Миний бодлоор хүмүүс нээх бие биендээ бэлэглэдэггүй, өгөх хүнээс нилээн зориг шаардах бэлэг бол уу хэхэ. :P
За нээх сайхан бичих гэж байтал гарах ажил тохиолдвоо. Өнөөдөр эндэхийн нэг том худалдааны төв 24 цаг хүртэл ажиллах юм гэнэ. Найз бүсгүй маань хамт тийшээ явъя гээд. Дэлгүүр хэсэх дургүй ээмэгтэй гэж хаа байхав. Хараад байхад хүмүүс намар болоод, хүйтрээд, эрт харанхуй болоод, настргүй болоод, намар болохоор бие өвдөөд гэх мэтээр их гомдоллож байна. Би ч бас тэгж байлаа хэхэ. Ийм байдлаас гарах буюу "ийм гамшигт бага өртөх" зөвөлгөө өгюү гэсэн бодол төрөв. Юуны түрүүн гомдоллож бодохгүй байх. Өөрөөр хэлбэл, хүйтэн байна, харанхуй байна, биеийн эсэргүүцэл сулрав гэх мэтээр сөрөг бодлууд бодохгүй байхыг хичээх, ийм бодлууд ер нь хүнийг улам "тамирдуулна" шүү. Гэртээ аль болох их гэрэлтэй байх. Өдөр богиносож шөнө уртсахаар хүний бие гэрлээр маш их дутагддаг гэнэ. За тэгээд аль болох ганцаардаж уйтгарлахгүй цагийг өнгөрөөх, нээх юм бодоод байлгүй хэхэ. Аль болох гэрэл гэгээтэй, инээдмийн кино үзэх, цоглог хөгжим сонсох, найз нөхөдтэйгөө орой үдшийг өнгөрөөх, хамт тоглох, үзвэр үзэх, ганц вино юм уу пиво хувааж ууж дэмий ярих гээд л өвлийн урт үдшийг хөгжилтэй өнгөрөөх арга юу эс мундахав. Дээр нь нэмээд мэдээж шим тэжээлтэй хоол унд идэх. Гэх мэтчилэнгээр үргэлжлүүлээд бодоорой хихи. Би гарах болчлоо.
За тэгээд намрыг настртай, өвлийг өнгөтэй даваарай.