Бүсгүйн Тэмдэглэл

Өнөөдөр өрөөсөн ээмгээ алга болгодог байна шд. Өглөө зүүх явцдаа Сүүлийн хэд хоног байнга энэ ээмгийг зүүж байнаа гэж бодсоноо нуугаад яахав. Богооноос буугаад өрөөсөн чихээ тэмтэртэл байдаггүй. Унаад курткэн дотор байгаа байх гэдэг гэнэн найдварт автан автан гэртээ ирээд үзтэл бас байдаггүй байна шүү. Төрсөн өдрөөр өмссөн дээгүүрээ цагаан, доогуураа хар палаажин дээр хослуулан зүүх гээд авсан дундаа том том бөөрөнхий цагаригтай урт саарал хүзүүний зүүлттэй хослуулан зүүх гээд авсан учиргүй их нь ч юу юм бэ гялалзсан талсттай саарал ээмэг байсийн. Ахиад авна даа чамайг гэж бодох уу яах уу. Авахгүй бол ахиад нэг нөхөр маань алдагдчих юм болуу л гэж айсийн. Алга болсон ээмэгний тоогоор нөхрөөсөө салдаг бол ч миний алдсан нөхрүүдээр арми гэж худлаа яриад яахав, хороо бүрдүүлж лав болно шүү. Дашрамд хэлэхэд тэр палааж хүүхэн миний хүүхэн болсоор авсан хамгийн бариу палааж байлаа. Өмсчүүл өмсчмөөр ч юм шиг санагдаад, эм хүн байна даа энэ чинь, эм хүний араншин маань гэнэт тодроод сүүлийн хэдэн хоног амнаасаа сэм сэмхэнээр биш "Нээрээ би эмэгтэй юм байна шд, би эмэгтэй хүн шиг хувцаслаж байя аа" гэдэг өгүүлбэрийг унагаж битүүхэн өндөр өсгийтэй гутал харж яваад байдаг болсон. Ажаад байхнээ, энэ нэг эмэгтэйлэг харагдах хувцаслалт гэдэг чинь ер нь наагуураа яривал өөртөө таалагдах, цаагуураа бодвол эсрэг хүйстэндээ таалагдах гэж л хийдэг ажил юм биш үү. За за мэдкү мэдкү, би ингэж хэлээгүй ч байж магадгүй шүү. Уулаасаа шики мики одонд төрөөгүй хүн чинь хэцүү юм байна шд.

Нээрээ ээмэг гэснээс хэдэн жилийн өмнө насаараа шахуу зүүсэн бугуйн цагаа яаж гээснээ саначихлаа байна. Дүүгээ "Цаад тавиур дээрээсээ цаг аваад аль" гэж зарчаад авчруулаад зүүх зуураа "Насаараа шахуу зүүлээ дээ, түгжээ нь жаахан сул болж дээ, засуулдаг юм уу" гэхэрхүү юм бодоод ажилдаа гарч билээ. Ажил дээрээ иртэл бугуйнд цаг маань байгаагүй юм даг. Мөнгөн оосортой хөөрхөөн цаг байсан, өдий хүртлээ зүүснээс минь хамгийн үнэтэй үнэт эдлэл маань байсан байхаа.

Сүүлийн хэд хоног баруун нүдэнд маань давхраа тогтов. Ядарснаас болов гэж оношлоод баахан унтлаа. Харин ч зүүн талд нь бас ормоор болоод явчлаа. Турснаас болов уу гэж бодоод жингээ үзлээ. Жилийн өмнөхөөсөө 7 кг таргалсан байна. Баярлалаа за. 30 хүрснээс болж үрчлээтэж байна гэж бодоод баахан санаагаар уналаа. Бодоод байхнээ, уншаад үзэхнээ үрчлээ ер нь ингэж ганцхан том хөндлөн зураас байдлаар ордоггүй юм шиг байна? Ёстой бүү мэд. Миний мэддэг монгол хэл энд дуусчаад сууж байна. Ядаж дасал болоогүй болохоор эвгүй гэж яаваа, наагуур хэлбэл гэдэс нь өвдөөд гүйлгүүлээд байгаа хүн шиг царайтай, цаагуур яривал өнөөх чинь хиймэл давхраа хийлгэчихэж гээд унавал яанамб. Би давхраагүй нүдэндээ хайртай гэж яанамб. Манай ээжүшка хэзээ хойно давхраатай болчихсон юм гэнэлээ. Би яаж мэдэхэв. Намайг мэдээ ороход л нээх дүрлийсэн алаг нүдтэй хүүхэн байсан юм даг. Одоо ч хараа нь муудаад онийгоод байдаг болсон байна лээ. Би бас ээжийгээ дуурайж байгаан байлгүй. Муу ээж минь, ааштай юм байгаан. Дээр надад аашилсан. За тэр ч яахав.